Kapra bussruter for 3,3 milliardar

Vy Buss har vunne anbodskonkurransen om drift av kollektivtrafikken på søre Sunnmøre og Fram Ekspress.

Kontraktane har ein verdi på om lag 3,3 milliardar kroner til saman, ifølgje i melding frå partane.

Kontraktane er nokre av dei største i fylket og gjeld for store delar av Sunnmøre utanom Ålesund. I tillegg inngår Fram Ekspress mellom Volda, Ålesund, Molde og Kristiansund.

– Dette er ei stor satsing på nullutslepp, noko som er viktig både for oss og for miljøet. Vi veit at mange er opptatt av tilbodet på Fram Ekspress gjennom fylket, og med den nye kontrakten vil vi også få elektriske langrutebusser med høg passasjerkomfort, uttaler avdelingssjef Stig Helle-Tautra i Fram.

Overgangen til elektriske bussar gjer at det må etablerast ladeinfrastruktur, noko som er eit omfattande arbeid, ifølgje meldinga.