Nordic Mining har fått inn 132,5 millionar kroner frå lokale investorar til utbygginga på Engebøfjellet i Sunnfjord. Går alt etter planen, blir det byggjestart i slutten av februar.
– Dette er første del av eigenkapitalen til byggjefinansieringa på Engebø, seier Christian Gjerde, økonomisjef i Nordic Mining, til Firda.
Pengane kjem frå entreprenørar og andre investorar frå Sunnfjordregionen og blir gitt som konvertible lån. Det vil seie at lånet etter planen skal konverterast til aksjar.
Gjerde opplyser at dei tek sikte på ekstraordinær generalforsamling kring 4. februar. Når pengane er utbetalte, vil dei sette i gang førebuande arbeid med riving av bygningar og rigging på industriområdet ved kaia på Engebø.
– I forlenginga av det vil vi etter kvart også starte opp førebuande grunnarbeid og planering på industriområdet, seier Gjerde.
Publisert: 12.01.2022 11:05
Sist oppdatert: 12.01.2022 11:06
