Møre og Romsdal tingrett opna måndag konkurs i dei to selskapa Ålesund Skipsvedlikehold og Protector Norway.
Begge selskapa har same hovudeigar og begge konkursane skjer på bakgrunn i krav frå skattestyresmaktene.
Ålesund Skipsvedlikehold skuldar kring 370.000 kroner som følgje av manglande betaling av arbeidsgivaravgift, forskotstrekk og gebyr. Kravet frå Skatteetaten mot Protector Norway var kring 390.000 kroner, ifølgje rettspapira.
Protector Norway har hatt mest aktivitet og omsette i 2023 for 11 millionar kroner. Ved utløpet av det året hadde selskapet kring 1,2 millionar i eigenkapital og samla gjeld på nær 4 millionar kroner.
Ålesund Skipsvedlikehold hadde negativ eigenkapital ved utløpet av 2023, etter ei omsetning på 1,3 millionar kroner.
Camilla Solbakken er bustyrar for sistnemnte konkurs, medan Anne Hovde er bustyrar for Protector Norway-konkursen.
Publisert: 27.05.2025 15:37
Sist oppdatert: 27.05.2025 15:37
