Konkurs for møbelbutikk i Ålesund

Etter kring ti år som Møbelringen-butikk er det slutt for Møbelhuset Blindheim. 

Fredag opna Møre og Romsdal tingrett konkurs i selskapet, etter at det var meldt oppbod. 

Ifølgje sakspapira frå tingretten har selskapet ei gjeld på kring 3,4 millionar. Verdiane blir anslått til kring 100.000 kroner. 

Verksemda var i gong på konkurstidspunktet, men det var ingen tilsette i selskapet. Bustyrar i saka er  Øystein Remme og første skiftesamling er planlagd 23. juni.

Nett No fortalde i vinter at det blei planlagt avvikling av selskapet. Då var det planlagt at ei gruppering frå Austlandet skulle starte opp Møbelringen-butikk i dei same lokala frå mai, eller juni i år. 

Møbelhuset AS med Kåre og Lillian Aarskog som største aksjonærar, dreiv først Møbelringen på Blindheim frå 2002, men flytta til lokala i Breivika i 2014. Etter 2023 kunne Nett No melde at butikken fekk underskot og si lågaste omsetning på ti år.