Kyrre Dale ny Surofi-sjef

Frå 1. september er det Kyrre Dale som skal leie Sunnmøre og Romdals Fiskesalgslag (Surofi) etter at Sveinung Flem går av med pensjon etter 20 år som Surofi-sjef.

Surofi er eitt av fiskesalslaga i Noreg, der Norges Råfisklag og Norges Sildesalglag er dei to største.

Salslag har monopol på førstehandsomsetninga av villfisk. Både Surofi og Norges Råfisklag handlar med torsk, sei og andre såkalla kvitfiskartar, i tillegg til skaldyr.

I 2024 omsette Surofi fisk og skaldyr for 3,7 milliardar kroner.