Kysttorsken kan få miljøsertifsering

NPK: To år er gått sidan det norske torskefisket innanfor 12-mila mista MSC-sertifiseringa si. I oktober kan den vere på plass igjen.

Det skriv Fiskeribladet.

No er prosessen med å få tilbake miljømerket frå Marine Stewardship Council (MSC) eit steg nærare målet, da det førre veke kom ein ny MSC-rapport om det norske torskefisket. Rapporten har mellom anna ei vurdering av om fisket blir tilrådd for sertifisering eller ikkje.

– Dei førebelse konklusjonane i denne rapporten er positive når det gjeld sertifisering. No er det opp til gruppa å samle inn og vurdere kommentarane frå interessentane, seier Tor Bjørklund Larsen, seniorrådgivar i Norges fiskarlag.

Miljømerket kan vere viktig for å få selt norsk torsk til utlandet, spesielt i den europeiske og amerikanske marknaden.