Lite mangfald

To av tre journalistar stemmer raudgrønt.

NPK-NTB: Over 66 prosent av norske journalistar stemmer på partia Ap, SV, MDG og Raudt, viser ei ny undersøking. Berre 1,9 prosent stemmer Frp.

Blant norske redaktørar er oppslutninga om Frp endå lågare: 0 prosent.

Det viser den årlege Medieundersøkinga som fredag blir presentert på Nordiske mediedager.

Blant dei 629 journalistane som har delteke i undersøkinga, vil 24 prosent stemme Ap, rundt 17 prosent SV, 15 prosent MDG og 10 prosent Raudt.

Berre i underkant av 15 prosent vil stemme på Høgre (12,9 prosent) eller Frp (1,9 prosent).

Påtroppande Frp-leiar Sylvi Listhaug meiner undersøkinga viser at journalistar og redaktørar er i utakt med vanlege folk.

– Dette har Frp sagt i alle år. Journalistar og redaktørar står langt til venstre i det politiske landskapet, seier Listhaug til Kampanje.