Loran-reiarlaget kjøper båt

Loran kjøper både båt og tilhøyrande kvotar frå selskapet Fjellmøy, som eig linebåten med same namn, skriv Sunnmørsposten. Kjøpesummen vil ikkje partane gå ut med, men båten har nesten maks torske- og hysekvote. Inntil vidare skal Fjellmøy fiske som før, med same mannskap. 

Loran-reiarlaget har Staale Otte Dyb og Terje Aarseth som største eigarar. Fjellmøy har Stig-Jarle Ervik og Knut Alexander Refvik som største eigarar.

I 2023 hadde Loran og Fjellmøy høvesvis 117,4 millioonar  og 87,6 millionar kroner i driftsinntekter og 4,8 og 11,1 millionar kroner i resultat før skatt.