Makrellen har blitt nordlending

Det skriv Havforskingsinstituttet (HI).

Makrellen har tradisjonelt halde til lenger sør, og det er ikkje så mange år sidan vaksen makrell vart vanleg i Nord-Noreg. No finn ein òg pir – eller ungmakrell – heilt nord til Nordkapp.

– Det er ikkje fordi det har blitt varmare hav i nord, men heng saman med den eksplosive veksten i makrellbestanden mellom 2006 og 2014, seier havforskar Leif Nøttestad til HI.

Makrellbestanden i Nordaust-Atlanteren bortimot tredobla seg frå 2006 til 2014. Eit av resultata er at makrellen har blitt nøydd å utvida området sitt. Nøttestad seier til HI at det er for tidleg å seia korleis inntoget til makrellen vil påverka dei lokale økosystema, men at det er noko dei jobbar med å finna ut meir om.