Mest oppkøyring på automat

I juni var halvparten av alle oppkøyringar i klasse B med automatgir. Det er ny rekord.

51 prosent av alle kandidatane som køyrde opp med klasse B i juni, køyrde opp med automatgir. I 2017 var det 13 prosent.

– Sannsynlegvis kan denne auka forklarast med det aukande talet elbilar i Noreg, seier fungerande avdelingsdirektør i Statens vegvesen, Heidi-Kristin Herbst, i ei pressemelding.

Andel oppkøyringar med automatgir er mest vanleg i Austlandsområdet. Men det er òg stadig meir populært i byar som Stavanger (56 prosent), Trondheim (57 prosent), Bergen (57 prosent) og Kristiansand (55 prosent).