Minus frå start for Ålesund-firma

Møre og Romsdal tingrett har opna konkurs i selskapet Ifocus Utvikling etter krav frå Radio Ålesund på kring 150.000 kroner.

Selskapet med adresse i Ålesund sentrum har vore registrert å drive med treningssenter, og sal av kosttilskot, treningskle o g-utstyr.

Ifocus Utvikling blei starta i 2021 og har levert rekneskap for dette året og 2022. Samla har selskapet hatt inntekter på kring 1,5 millionar og eit underskot på over éin million.

Konkursen blei opna etter krav frå Radio Ålesund på kring 150.000 kroner for fleire ubetalte fakturaer. Det var inngått fleire avtale om å gjere opp gjelda som innehavaren ikkje skal ha følgt opp. Innehavar og dagleg leiar møtte ikkje til rettsmøtet måndag.

Bustyrar for saka er Cathrin Myre Skram og første skiftesamling er planlagt 26. august.