Mislukka mekling om næringsområde

Ørsta kommune og entreprenørselskapet Romarheim Entreprenør har mislukkast i å bli samde om oppgjer for utbygging av Melsgjerdet næringsområde i Ørsta, ifølgje ei pressemelding frå kommunen.

Striden gjeld ei tilleggsrekning på 17 millionar kroner, som kommunen ikkje vil betale, ifølgje Møre-Nytt. Det gjorde at entreprenørselskapet gjekk til sak.

Partane har gjennomført rettsmekling både 15. og 16. mars og 17. og 18. oktober i år, men utan å bli samde, heiter det i pressemeldinga.

Møre og Romsdal tingrett har sett av sju veker til saka i januar og februar 2024.