Mogleg å sove på Runde igjen

NPK: Etter å ha vore stengt sidan byrjinga av august er Runde fyr på Sunnmøre igjen ope for å ta imot overnattingsgjester. Det har vore gjennomført skadedyrutrydding og anna utbetring på bygningen.
Fyrvaktarbustaden er fri for skadedyr og tiltak er gjort for å hindre dei i å komme tilbake, fortel Ålesund-Sunnmøre Turistforening på nettstaden sin.
Bygningen er også vaska ned, og det er gjort tiltak på området. Fyrvaktarbustaden er låst med standard DNT-nøkkel.
Runde fyr ligg på Kvalneset på nordvestspissen av den kjente fugleøya Runde i Herøy kommune.