NPK: Salet av handverksøl fall med 1,2 millionar liter frå 2017 til 2018, ein nedgang på 11,6 prosent, ifølgje tal frå Bryggeri- og drikkevareforeningen.
Det samla konsumet av norskbryggja øl auka samtidig med 11 millionar liter.
Småskalaprodusentane merkar auka prispress, samtidig som det har vore stor overetablering av bryggeri, meiner Petter Nome i Bryggeriforeininga.
– Dei siste to åra har vi sett 18 bryggerikonkursar, men det blir stadig etablert nye. Det skaper nok ei forvirring blant forbrukarane. Det blir kanskje for mykje å velje mellom, seier Nome til Dagens Næringsliv.
Nome trur likevel nedturen er mellombels og viser til utvikling i USA. Der starta trenden med handverksøl alt på 1980-talet og har etter fleire opp- og nedturar no stabilisert seg på rundt 12 prosent av volumet i USA. I Noreg utgjorde handverksøl i fjor rundt 4,5 prosent av det samla produksjonsvolumet her til lands.
Det samla konsumet av norskbryggja øl auka samtidig med 11 millionar liter.
Småskalaprodusentane merkar auka prispress, samtidig som det har vore stor overetablering av bryggeri, meiner Petter Nome i Bryggeriforeininga.
– Dei siste to åra har vi sett 18 bryggerikonkursar, men det blir stadig etablert nye. Det skaper nok ei forvirring blant forbrukarane. Det blir kanskje for mykje å velje mellom, seier Nome til Dagens Næringsliv.
Nome trur likevel nedturen er mellombels og viser til utvikling i USA. Der starta trenden med handverksøl alt på 1980-talet og har etter fleire opp- og nedturar no stabilisert seg på rundt 12 prosent av volumet i USA. I Noreg utgjorde handverksøl i fjor rundt 4,5 prosent av det samla produksjonsvolumet her til lands.
Publisert: 29.03.2019 08:05
Sist oppdatert: 10.02.2021 15:36
