Nei til Norsk Sjømat

Statsforvaltaren i Trøndelag seier nei til Norsk Sjømat sine planar om å etablere to oppdrettsanlegg i Storfjorden, skriv Sunnmørsposten.

Fjord kommune sa ja tidlegare i år til søknaden frå Norsk Sjømat, men Statsforvaltaren vender altså tommelen ned.

Statsforvaltaren i Trøndelag har vore saksbehandlar fordi Statsforvaltaren i Møre og Romsdal var ein av klagarane på vedtaket i Fjord kommune.

Statsforvaltaren i Møre og Romsdal meinte at etablering ville føre til ytterlegare to moglege smittekjelder for smolt i Storfjorden – og at den anadrome villfisken i Storfjorden er under sterkt press.