– Noreg må prioritere EUs vaksinepass

(NPK-NTB): Virke Reiseliv meiner Noreg må prioritere å knyte seg til EUs vaksinepass-løysing, og at dette vil vere viktig for å få i gang reiseverksemda.

EU-kommisjonen la onsdag fram forslaget sitt til digitalt vaksinepass, som skal gjere det lettare å reise mellom EU-landa. Dei opnar for at Noreg kan bli med, noko Virke Reiseliv meiner norske styresmakter må prioritere.

Leiar i Virke Reiseliv, Astrid Bergmål, meiner vaksinepasset vil vere svært viktig for å få i gang igjen reiseverksemda på tvers av grensene, på ein trygg og god måte.

– Vi er fornøgde med at det blir foreslått at også informasjon om negativ test skal med i vaksinepasset, slik at dei som enno ikkje har fått vaksine når vi kjem til sommaren, eller som av ulike grunnar ikkje kan få vaksinen, også kan få høve til å reise, seier Bergmål.

Ho seier dei forventar at styresmaktene no sørgjer for ei enkel løysing som gjer at informasjon om vaksine, antistoff eller testsvar automatisk blir registrert i kvar enkelts vaksinepass.

(©NPK)