NPK: Stina Aasen Lødemel (40) er tilsett som ny redaktør i det digitale oppslagsverket Allkunne i Ørsta.
Lødemel tar over 1. november etter Per Magnus Finnanger Sandsmark, som da går over i ny jobb som direktør i Nynorsk kultursentrum.
Lødemel har sidan 2013 vore redaksjonssekretær i Allkunne og var fungerande redaktør for oppslagsverket hausten 2016.
– No når kven som helst kan skrive kva som helst på internett, er fri tilgang til kvalitetssikra kunnskap på eige skriftspråk viktig for demokratiet. Stillinga gir meg ein unik sjanse til å fremje ei sakleg kunnskapsformidling som styrkjer bruken av nynorsk i den digitale kvardagen, seier Lødemel i ei pressemelding.
Den nye Allkunne-redaktøren har også før 2013 arbeidd for Nynorsk kultursentrum i ulike engasjement og vikariat. I 2008–2009 var ho dagleg leiar ved Kunsthuset i Ørsta. Ho har ein bachelorgrad i kultur- og samfunnsvitskap frå Universitetet i Bergen og er i gang med eit masterstudium i nynorsk skriftkultur ved Høgskulen i Volda.
Lødemel har òg vore representant i kommunestyret i Ørsta i perioden 2011–2015 for SV.
Allkunne er eit digitalt, redigert oppslagsverk på nynorsk, eigd og drive av Stiftinga Nynorsk kultursentrum.
Lødemel tar over 1. november etter Per Magnus Finnanger Sandsmark, som da går over i ny jobb som direktør i Nynorsk kultursentrum.
Lødemel har sidan 2013 vore redaksjonssekretær i Allkunne og var fungerande redaktør for oppslagsverket hausten 2016.
– No når kven som helst kan skrive kva som helst på internett, er fri tilgang til kvalitetssikra kunnskap på eige skriftspråk viktig for demokratiet. Stillinga gir meg ein unik sjanse til å fremje ei sakleg kunnskapsformidling som styrkjer bruken av nynorsk i den digitale kvardagen, seier Lødemel i ei pressemelding.
Den nye Allkunne-redaktøren har også før 2013 arbeidd for Nynorsk kultursentrum i ulike engasjement og vikariat. I 2008–2009 var ho dagleg leiar ved Kunsthuset i Ørsta. Ho har ein bachelorgrad i kultur- og samfunnsvitskap frå Universitetet i Bergen og er i gang med eit masterstudium i nynorsk skriftkultur ved Høgskulen i Volda.
Lødemel har òg vore representant i kommunestyret i Ørsta i perioden 2011–2015 for SV.
Allkunne er eit digitalt, redigert oppslagsverk på nynorsk, eigd og drive av Stiftinga Nynorsk kultursentrum.
Publisert: 02.10.2018 13:42
Sist oppdatert: 10.02.2021 15:37
