Ny rekord for Brudevoll

Familiebedrifta Brudevoll Kjøtt held til i sentrum av Ulsteinvik og vart etablert i 1916.

Tidlegare hadde ein eige slakteri, men den delen vart nedlagt i 2004. No vert det drive med nedskjering av heile skrottar - bringa frå Nortura i Førde. Brudevoll Kjøtt driv pølsemakeri med tilhøyrande - og lagar også spekemat. I tillegg har ein direktesal over disk.

Det er tredje og fjerde generasjon som no står bak, der dagleg leiar Roger Brudevoll eig 100 prosent av aksjane.

I fjor sette selskapet omsetningsrekord, med 21,2 millionar kroner.

Selskapet sysselsette sju årsverk.

Den samla eigenkapitalen er på 9,2 millionar kroner, og langsiktig gjeld er på 0,3 millionar.