Rekneskapen til Herøy-båten Christina E viser at fjoråret baud på både rekordomsetning og -driftsoverskot.
Driftsinntektene auka med 20 millionar frå året før, og enda på nær 146 millionar kroner.
Overskotet frå drifta var på heile 28 millionar, men finanskostnadene drog ned resultatet før skatt til 7,5 millionar kroner.
Etter at det vart sett av rekordhøgt utbytte etter 2023, vert det ikkje teke utbytte etter fjoråret. Eigenkapitalen i selskapet var på over 145 millionar ved utløpet av 2024, og den langsiktige gjelda var på 40 millionar kroner.
| Christina E AS | ||
| Tal i mill. kroner | 2024 | 2023 |
| Driftstinntekt | 145,9 | 125,9 |
| Driftsresultat | 28,4 | 9,6 |
| Resultat før skatt | 7,5 | -10,2 |
Ervik & Sævik AS er eid av Rita Sævik (51 prosent) gjennom hennes selskap Kings Cross AS, og Espen Ervik (49 prosent) gjennom hans selskap Bilix AS.
Konsernet driv også eigedomsinvesteringar, restaurantdrift og kunstgalleri.
For både Ervik & Sævik-reiarlaget og Ervik & Sævik Eiendom vart 2024 eit minusår (sjå tabellar under). For Horisont Restaurant enda fjoråret med eit overskot for første gong sidan oppstarten.
| Ervik & Sævik AS | ||
| Tal i mill. kroner | 2024 | 2023 |
| Driftstinntekt | 7,3 | 7,1 |
| Driftsresultat | -2,6 | -1,9 |
| Resultat før skatt | -2,3 | -1,9 |
| Ervik & Sævik Eiendom AS | ||
| Tal i mill. kroner | 2024 | 2023 |
| Driftstinntekt | 5,9 | 5,7 |
| Driftsresultat | 0,8 | 0,6 |
| Resultat før skatt | -2,3 | -2,6 |
| Horisont Restaurant AS | ||
| Tal i mill. kroner | 2024 | 2023 |
| Driftstinntekt | 2,2 | 2,2 |
| Driftsresultat | 0,2 | -0,9 |
| Resultat før skatt | 0,2 | -0,9 |
Publisert: 15.07.2025 09:52
Sist oppdatert: 15.07.2025 17:11
