Ny smitteoppblomstring i Ålesund

Ålesund kommune har sidan laurdag kveld fått meldt ni nye smittetilfelle med koronavirus, åtte av dei vart meldt søndag ettermiddag.

Det opplyser kommunen i ei pressemelding.

Smittesporingsteam jobbar med varsling til skular og barnehage.

Åtte av dei smitta var allereie i karantene. Det medfører likevel at nokre skuleklassar og ein barnehage kjem i karantene:

• Ei 1. klasse ved Fagerlia VGS
• Ei 3. klasse ved Emblem barneskole
• Ei avdeling ved Ebbegarden barnehage

Kommunen opplyser at eitt av utbrota kan truleg sporast tilbake til Toldboden/Jugendby barnehage.

Ålesund kommune samlar kriseleiing 24. mai for å ta stilling til vidare tiltaksnivået i både skule og samfunnet elles. Det ser ikkje ut til at kommunen kan opne opp etter pinse slik ein hadde håp om.