Håkon Holen vert ny dagleg leiar i AS Fiskevegn etter Trond-Inge Kvernevik, som har takka ja til andre oppdrag i sjømatnæringa.
Holen er 58 år og oppvaksen på Sæbø, no busett i Ålesund.
Holen kjem frå stillinga som dagleg leiar i det danskeigde Europrofil AS i Sykkylven. Før det var han leiar i det amerikanske selskapet Johnson Controls Norway AS i Bærum.
Tidlegare har han hatt leiar- eller marknadsansvar i Sunnmørs-bedrifter som Ørsta Stålindustri, Ørsta Marina Systems og UFAS, opplyser Fiskevegn i ei pressemelding.
- Vi er glade for at Håkon har takka ja til denne jobben. Han har med seg mange års erfaring frå industrielle bedrifter med internasjonalt sal og verksemd, noko som vil komme godt med i Fiskevegn. Dagleg leiar i Fiskevegn har og ansvaret for Best Fishing Gear AS, Storvika AS og Flatraket Industribygg AS, samt Fiskevegns sin del av Magistr Fiskevegn Group (MGF) i Latvia, seier styreleiar Helge Solheim, i pressemeldinga.
Fiskevegn har 47 tilsette og omsette i 2018 for 118 millionar kroner. Både Fiskevegn og Best Fishing Gear har hovudkontor og fabrikk på Flatraket i Selje Kommune.
Fiskevegn har salsavdeling i Ålesund, ein Joint Venture i Latvia med om lag 90 tilsette i fabrikken, samt distributørar i USA, Canada, Grønland og Australia/New Zealand.
Holen er 58 år og oppvaksen på Sæbø, no busett i Ålesund.
Holen kjem frå stillinga som dagleg leiar i det danskeigde Europrofil AS i Sykkylven. Før det var han leiar i det amerikanske selskapet Johnson Controls Norway AS i Bærum.
Tidlegare har han hatt leiar- eller marknadsansvar i Sunnmørs-bedrifter som Ørsta Stålindustri, Ørsta Marina Systems og UFAS, opplyser Fiskevegn i ei pressemelding.
- Vi er glade for at Håkon har takka ja til denne jobben. Han har med seg mange års erfaring frå industrielle bedrifter med internasjonalt sal og verksemd, noko som vil komme godt med i Fiskevegn. Dagleg leiar i Fiskevegn har og ansvaret for Best Fishing Gear AS, Storvika AS og Flatraket Industribygg AS, samt Fiskevegns sin del av Magistr Fiskevegn Group (MGF) i Latvia, seier styreleiar Helge Solheim, i pressemeldinga.
Fiskevegn har 47 tilsette og omsette i 2018 for 118 millionar kroner. Både Fiskevegn og Best Fishing Gear har hovudkontor og fabrikk på Flatraket i Selje Kommune.
Fiskevegn har salsavdeling i Ålesund, ein Joint Venture i Latvia med om lag 90 tilsette i fabrikken, samt distributørar i USA, Canada, Grønland og Australia/New Zealand.
Publisert: 03.04.2019 07:16
Sist oppdatert: 10.02.2021 15:35
