Nytt liv for tidlegare Volstad-skip

Måndag melder Vard at dei er ferdige med fartøyet «IT Infinity» etter eit ombyggingsoppdrag. 

Det er Vard-verftet i Brattvåg som har stått for jobben med å gjere om det drygt 90 meter lange forsyningsskipet, til eit spesialisert kabelleggingsfartøy (CLV - cable laying vessel).

Eigarane av skipet er Barbados-registrerte I.T. International Telecom Marine, som overtok skipet frå SD Standard Drilling i 2021. Skipet gjekk tidlegare under namnet Volstad Princess og blei bygd som ein PSV for Volstad Maritime i 2008. 

I pressemeldinga skriv Vard at det er eit omfattande arbeid som er gjort. I tillegg til at det er gjort strukturelle endringar, har Vard Electro spelt ei sentral rolle av alle elektriske system om bord. 

Det er mellom anna installert ei 60-tonns A-ramme, ein stor kabeltromme og utstyr for å teste og skøyte fiberoptiske kablar. I tillegg er det kome fjernstyrte undervassfarkostar om bord. 

– Resultatet er blitt eit svært kapabelt fartøy, full førebudd på å betene den globale marknaden for undersjøiske kablar, ein industri som sårt treng slike spesialiserte skip, uttaler Steve Arsenault som leiar IT sitt sal- og marknadsarbeid.