Nytt ÅKP-kontor i Herøy

ÅKP, Mafoss og klyngene, GCE Blue Maritime Cluster og NCE Blue Legasea, vil framover dele på eit kontor ved Fosnavåg Næringspark.

Kontoret i det nye «Horisont»-bygget på Mjølstadneset vil i hovudsak vere bemanna av Robert Voldnes i ÅKP Entreprenørskap, i lag med Jan Thormodsæter og Jannike Tuvik Skarbø i Mafoss, ifølgje ei melding på ÅKP si heimeside.

- Vi har tru på å samarbeide på denne måten, og trur at eit slikt felleskontor er fornuftig. No er vi i gang med å planlegge kva slags aktivitetar ÅKP skal legge her ute, seier seniorrådgjevar og kompetansemeklar i ÅKP, Robert Voldnes – som kjem til å ha delt arbeidsstad mellom Fosnavåg og ÅKP-kontoret i Ulsteinvik.