Oljeprisvekst bidreg til sterk eksportverdi

(NPK-Heidi Molstad Andresen): Eksporten av norske varer i oktober var verdt 173,2 milliardar kroner. Det er ein oppgang på 10,2 prosent samanlikna med same månad i fjor.

Det kjem fram i ei sak på Statistisk sentralbyrå sin nettstad. På same tidspunkt importerte Noreg varer for 91,2 milliardar kroner. Det er 25,2 prosent meir enn i fjor. Handelsoverskotet var med det på 82,0 milliardar kroner.

Historisk sett er eksporten no sjeldan høg, og både olje, gass, og fastlandseksport bidreg til dette. Samstundes var eksportverdien av naturgass i oktober lågare enn på same tidspunkt i fjor. Handelsoverskotet på 82,0 milliardar kroner er 2,8 prosent svakare enn i fjor.

– I løpet av det siste året er den norske krona betydeleg svekt mot viktige utanlandske valutaer. Det har stor innverknad på handelstala, seier seksjonssjef i SSB, Therese Vestre, til nettstaden.

(©NPK)