NPK-NTB: Skattereglane for oljebransjen må strammast inn, meiner fleire Høgre-profilar. Dei kjem til å foreslå å endre skattereglane tysdag.
Dissensen om rammevilkåra til det som ofte blir kalla «Noregs viktigste næring» – nemleg olje og gass» vil bli teke opp når programkomiteen i Høgre legg fram andreutkast til nytt valprogram tysdag, skriv NRK.
Tidlegare Unge Høgre-leiar Sandra Bruflot seier til nyheitskanalen at dei vil sikre norsk økonomi og unngå eit skatte- og avgiftssystem som er tilpassa situasjonen slik han var for 20 år sidan.
Dei foreslår å «gjere endringer for å skjerme staten for auka risiko.» Oljeprisen er lågare enn før, og marginane er små, påpeikar dei.
Linda Helleland leier programkomiteen og Henrik Asheim er nestleiar. Begge vil kjempe imot forslaget om å endra skattereglar.
Publisert: 09.03.2021 07:45
Sist oppdatert: 09.03.2021 07:48
