Plaga med folk i Fjørtoft-tunnel

Møre og Romsdal fylkeskommune har lagt ut eit bilde på Facebookgruppa "Nordøyvegen" som viser folk inne i Fjørtoft-tunnelen.

No minner fylkeskommunen om at dette er eit anleggsområde som ikkje er ope for fri ferdsel, og at slik ferdsel øydelegg for testinga som skal gjerast.

- I verste fall får det konsekvensar for den planlagte opninga av Fjørtoftfjordtunnelen 16. juni. Vi trur alle veit at det ikkje er lov å ta seg inn i tunnelane. Hjelp oss å dele dette innlegget slik at alle også blir klare over konsekvensane, skriv fylkeskommunen.