Pretre legg ned anlegg

Pretre legg ned produkjsonsanlegget sitt i Steinkjer og flyttar produksjonen der til anlegget i Gausdal. Selskapet kuttar kostnadar fordi det ventar eit svakt år i byggemarknaden.

Høgare kostnadar, høgare rente, høg prisstiging, redusert kjøpekraft, høge energiprisar, krigen i Ukraina og etterverknadane av koronapandemien er årsaka til at det blir starta bygging av færre bustadar i år, skriv Pretre i årsmeldinga for 2022.

For Pretre, som lagar berande trekonstruksjonar til byggebransjen, betyr det mindre å gjere.

Pretre har hovudkontor og produksjonsanlegg i Stryn og i tillegg anlegg i Gausdal, på Jæren, i Brumunddal, Foss-Eikeland og Tvedestrand.

Selskapet sysselsette 157 årsverk i 2022, opp frå 150 året før.

Pretre er eigd av Mestergruppen, som kjøpte selskapet i 2018.

Mestergruppen har Ferd-konsernet som hovudaksjonær.