Prosjekt skal gi fleire unge jobb

Brisk, Sparebanken Møre og AaFK lanserer prosjektet Medvind som skal hjelpe unge som ikkje er i jobb eller under utdanning, ifølgje ei pressemelding sendt ut fredag.

No inviterer dei Ålesund-bedrifter til å bli med i arbeidet som i første omgang skal omfatte 24 personar. Medvind-prosjektet skal vere ein brubyggar mellom dei som deltek og næringslivet.

– Vi ønsker å gi unge vaksne mellom 18 og 320 år den medvinden dei treng for å kome ut i fast jobb, og at dette skjer i eit nært samarbeid med bedrifter med stort hjarte og samfunnsengasjement, uttalar arbeids- og inkluderingssjef Heming Sand i Brisk i meldinga.