Rekordoverskot for elektroselskap

Vik Elektro i Vestnes leverte eit rekordhøgt overskot etter fjoråret, viser 2023-rekneskapen.

Eit overskot før skatt på 12,6 millionar, er eit lite knepp opp frå førre rekord i 2022 (sjå tabell under).

Tomrefjord-bedrifta har hatt inntektsvekst dei siste åra, men den stoppa opp i fjor. Ei omsetning på 108 millionar, er likevel det 3. høgast i selskapet si historie.

Etter det gode resultatet tek eigarane ut ti millionar i utbyte – som dei gjorde året før. Elektrofirmaet har ein eigenkapital på drygt 20 millionar og langsiktig gjeld på drygt 600.000 kroner.

Eigarane av Tomrefjord-selskapet er Veas Holding, som er eigd av Willy Kåre Vik og Ole André Vik.