Rekordår for Sula Vekst

Sula Vekst (tidlegare Sula Bedriftshelseteneste) har historie tilbake til 1993. Den tilrettelagde bedrifta er heileigd av Sula kommune, og hadde rekordomsetning i 2022.

Totalt er det 57 personar i arbeid i selskapet, fordelt på 35 med tilrettelagd arbeid og 22 ordinært tilsette.

Dei tilsette er fordelte på områda vask, sy, maritim/mekanisk og miljø/brensel.

For maritim/mekanisk vert det produsert og seld redningsutstyr som redningsbøyle og båtshakar.

Selskapet har ein samla eigenkapital på 6,4 millionar kroner, og 11,6 millionar i langsiktig gjeld.