Tankskip gjekk Nordaustpassasjen

Med minkande is, er det stadig fleire skip som kryssar Nordaustpassasjen om sommaren, den 3.000 nautiske mil lange strekninga mellom Atlanterhavet og Stillehavet langs nordkysten av Europa og Asia.

Men no har det 299 meter lange LNG-tankskipet Christophe de Margerie gjennomført ruta i februar, skriv Barents Observer.

Skipet vert operert av russiske Sovcomflot, og gjekk 27. januar ut frå kinesiske Jiangsu og vidare gjennom Beringstredet og til Sabetta, dit skipet kom 19. februar.

Det vert meldt om tjukk is, men på vegen hadde skipet hjelp av den atomdrivne isbrytaren 50 Let Pobedy.