Røkke slår saman tre selskap

(NPK-NTB-NETT.NO): Aker Horizons, Aker Clean Hydrogen og Aker Offshore Wind slår seg saman, opplyser selskapa onsdag.

– Dagens kunngjering vil styrkje kapasiteten Akers Horizons har til å auke farten i overgangen til grøn energi og grøn industri, og samtidig maksimere verknaden og verdiskapinga, seier Øyvind Eriksen, konsernsjef i Aker og styreleiar i Aker Horizons.

– Noreg har alle føresetnader for å byggje grøn industri, inkludert tilgang til rimeleg kraft og avanserte tekniske og ingeniørmessige kapasitetar, seier Kristian Røkke, konsernsjef i Aker Horizons.

Blanda mottaking
Meldiga blei motteke med blande respons i børsmarknaden. Medan Aker Clean Hydrogen steig, gjekk kursen for Aker Horizons-aksjen ned frå starten av handelen onsdag.

I samband med nyheita om samanslåinga har selskapa oppgitt ein detaljert plan for utveksling av aksjar.

Satsar i Narvik og Chile
Med start i Narvik vil selskapa etablere fleire prosjekt innan grøn industri.

– Vi har peika ut dekarbonisering av stål, som er den verdikjeda med størst utslepp, som ei moglegheit for Aker Horizons, seier Røkke.

Også i Chile blir det planlagt grøn industri.

– Aker Horizons ekspertise innan utvikling av attraktive investeringsmoglegheiter og leiande prosjekt globalt gjer det ideelt posisjonert for å samarbeide med Aker Asset Management for å kapital nærare industriekspertise for å få fortgang i overgangen til netto nullutslepp, seier Yngve Slyngstad, som er konsernsjef i Aker Asset Management.

I porteføljen til selskapa inngår òg Mainstream Renewable Power and Aker Carbon Capture.