Har samla data frå 6000 fiskefartøy

Færøy-baserte Fishfacts, som er eit leiande softwareselskap som gir satellitt-AIS, Big Data og Business Intelligence om den globale fiskeindustrien, har no lansert tenesta "Historical Track".

Denne nye funksjonen let brukarane få tilgang til historiske AIS-data for meir enn 6000 fiskefartøy, og gir dermed verdifull innsikt i aktivitetane til fartøya over tid.

- Vi har fått mange forespørslar frå brukarane våre som ønsker at vi skal analysere for eksempel makrellfiskeria i fjor. Det var tidkrevjande fordi vi måtte involvere programmerarar. Vi bestemte oss for å utvikle og gi brukarane våre tilgang til historiske AIS-data, slik at dei kan velje fartøy og datoer sjølve, seier cofounder Hanus Samró i ei pressemelding.

For å illustrere funksjonen har Fishfacts laga ein video som viser fartøya Eros, Kings Bay, Østerbris, Finnur Fríði, Børkur og Vilhelm Thorsteinsson i september 2021.

I dag brukar meir enn 900 fiskefartøy over sju kontinent og 37 land den digitale plattforma Fishfacts.com som sin primære app for overvaking av fiskefartøy og aktivitetar.

- Vi trur at denne nye funksjonen vil vere ein game-changer for brukarane våre, seier Hanus Samró.