Semje i oljeoppgjer

NPK-NTB: Industri Energi og Offshore Norge kom natt til torsdag i hamn med dei sentrale forhandlingane om bransjeavtalen.

Under forhandlingane har partane mellom anna drøfta sentrale spørsmål om virkeområdet for avtalen og kva stillingskategoriar som skal vere omfatta av avtalen.

Partane er i hovudsak samde om å føre vidare dagens avtale, skriv Industri Energi i ei pressemelding.

Industri Energi har sett ein frist for godkjenning av forhandlingsresultatet innan 21. september.