Skipstunnelen kan få sluse

(NPK): Stad skipstunnel kjem til å knyte saman to ulike biologiske område. Havforskingsinstituttet (HI) tilrår at ein gjennomfører tiltak for å redusere vassutveksling mellom dei to fjordane.

Havforskingsinstituttet (HI) tilrår at ein set inn fleire mildnande tiltak for å redusere vassutveksling mellom dei to fjordsystema mellom Stad skipstunnel. Eit slikt tiltak kunne vere å installere ei sluse i tunnelen, skriv HI.

I dei norske fjordane finst det ofte fiskebestandar og andre marine organismar som er genetisk tilpassa dei lokale forholda.

Dersom anleggsarbeidet påverkar det lokale livet negativt, vil det permanent kunne redusere motstandskrafta til heile det lokale økosystemet, og endre dette for framtida.

Dei negative konsekvensane av det aktuelle arbeidet kan dempast, og i stor grad bli eliminert ved tiltak som å gjenbruke massane frå tunnelen, og reinsing, gjenvinning og gjenbruk av tunnelvatnet.

(©NPK)