Skjæran til sjømatmesse

Fiskeri – og havminister Bjørnar Skjæran (Ap) skal neste veka delta på den største sjømatmessa i verda i Barcelona. Målet er å fremme norsk berekraftig sjømat.

– Noregs bidrag er framtidsretta bedrifter som bidrar med berekraftig sjømat av høg kvalitet til ei veksande verdsbefolkning. Dette er ein viktig møteplass for ei viktig næring. Fiskeri- og havbruksnæringa er ei av våre største eksportnæringar, og denne regjeringa vil legge til rette for vidare berekraftig vekst, fleire trygge heilårsarbeidsplassar og auka eksportinntekter for Noreg, seier Skjæran i ei pressemelding.

Nesten 100 norske sjømatbedrifter deltek på messa, som går føre seg frå 25. til 27. april. Statsråden skal også besøkje verksemda til Lerøy i Barcelona, som produserer sushi til den spanske daglegvaremarknaden.