Snikkarfirma konkurs med milliongjeld

Møre og Romsdal tingrett har måndag opna konkurs i eit enkeltpersonføretak med adresse i Ålesund.

Firmaet er registrert å drive med snikkar og bygningsarbeid og bakgrunnen for konkursen var eit krav frå skatteetaten på 1,76 millionar kroner.

Ifølgje rettspapira møtte ikkje innehavaren i retten. Vedkomande har heller ikkje betalt inn beløp som var lova i eit rettsmøte 24. juni, eller levert etterspurt dokumentasjon. Christin Garmann er bustyrar i saka og første skiftesamling er planalgt 26. august.

Innehavaren er også styreleiar og eigar i selskapa GM Invest og Gm Renovation som er oppført på same adresse som det konkursråka selskapet.