Rekordmange angrep frå makrellstørje

(NPK): Oppdrettsanlegg har dei siste åra hatt utfordringar med at makrellstørje gjer skade. No tyder observasjonar på at makrellstørje-bestanden er i vekst.

Det skriv Fiskeridirektoratet i ei pressemelding.

– Det er i 2023 observert godt med makrellstørje langs norskekysten, og det har vorte sett ny rekord i talet på hendingar der makrellstørje har teke seg inn i oppdrettsanlegg, seier Øyvind Grøner Moe, seniorrådgivar ved miljøseksjonen i Fiskeridirektoratet.

Årsaka til at makrellstørja tek seg inn i nóta er høgst sannsynleg knytt til matinntak. Det er likevel usikkert om det er fisken inne i merden eller fisk på utsida ho er ute etter.

(©NPK)