Stor verdiskaping i havfiskeflåten

Det totale verdiskapingsbidraget frå havgåande fiskeflåte i Noreg var i fjor på 32,8 milliardar kroner inkluderte ringverknader.

Det kjem fram i ein rapport frå Sintef Ocean på oppdrag av Fiskebåt, skriv Gemini.

Denne verdiskapinga sysselsette omtrent 21.000 årsverk. Betydninga av den havgåande flåten ligg mellom 61–66 prosent av heile den fiskeribaserte verdikjeda.

Den fiskeribaserte verdikjeda inkluderer fangstleddet, fiskeforedling (basert på villfisk/skaldyr/skil) og eksport/handelsleddet, og dessutan leverandørar av tenester og utstyr til dei ulike delane av verdikjeda. Sjølve havfiske-fangstleddet bestod av 4.500 årsverk i 2021. Bidraget fangstleddet hadde til BNP var på 11,4 milliardar kroner i 2021.

Etterspurnad frå fangstleddet fører til aktivitet hos andre verksemder som leverer varer og tenester inn til næringa. Desse utgjorde 4,4, milliardar kroner.

Når det gjeld sysselsetjing og verdiskaping i fiskeforedlingsindustrien var dette bidraget på 18 milliardar. Den havgåande fiskeflåten bidrog til ei total verdiskaping både opp- og nedstraums i heile den norske fiskeriverdikjeda på 21,4 milliardar og 16.500 årsverk i 2021.

Totalt for heile verdikjeda er det 32,8 milliardar kroner og 21.000 årsverk.