NPK-NTB: Oljeselskapet Lundin overleverte onsdag planen for utbygging og drift av eit nytt felt i Nordsjøen til olje- og energiministeren.
Investeringa i feltet som skal heite Solveig og er knytt til Edvard Grieg-plattforma, er berekna til 6,5 milliardar kroner, ifølgje ei pressemelding frå Olje- og energidepartementet. Det er snakk om ei undervassutbygging knytt til plattforma.
Feltet består av tre produksjonseiningar og to vanninjektorer. Utvinnbare reservar er anslått til rundt 57 millionar fat oljeekvivalentar. Planlagt produksjonsstart er i 2021. Operatøren forventar eit norsk innhald på over 60 prosent, noko som betyr 4.000-5.000 årsverk i utbyggingsfasen.
– Denne utbygginga er viktig for å halde oppe produksjonen og auke verdiskapinga i området rundt Grieg-feltet. Solveig-feltet vil bidra med store verdiar til fellesskapet gjennom å utnytte allereie etablert infrastruktur, seier olje- og energiminister Kjell-Børge Freiberg (Frp).
Det er Lundin (65 prosent), OMV (20 prosent) og Wintershall (15 prosent) som har rettane i Solveig-feltet. Det er same eigarfordeling som på Grieg-feltet.
Investeringa i feltet som skal heite Solveig og er knytt til Edvard Grieg-plattforma, er berekna til 6,5 milliardar kroner, ifølgje ei pressemelding frå Olje- og energidepartementet. Det er snakk om ei undervassutbygging knytt til plattforma.
Feltet består av tre produksjonseiningar og to vanninjektorer. Utvinnbare reservar er anslått til rundt 57 millionar fat oljeekvivalentar. Planlagt produksjonsstart er i 2021. Operatøren forventar eit norsk innhald på over 60 prosent, noko som betyr 4.000-5.000 årsverk i utbyggingsfasen.
– Denne utbygginga er viktig for å halde oppe produksjonen og auke verdiskapinga i området rundt Grieg-feltet. Solveig-feltet vil bidra med store verdiar til fellesskapet gjennom å utnytte allereie etablert infrastruktur, seier olje- og energiminister Kjell-Børge Freiberg (Frp).
Det er Lundin (65 prosent), OMV (20 prosent) og Wintershall (15 prosent) som har rettane i Solveig-feltet. Det er same eigarfordeling som på Grieg-feltet.
Publisert: 27.03.2019 13:53
Sist oppdatert: 10.02.2021 15:35
