Strid om Fiskerimuseet i Ålesund

NPK: Aalesunds Museum og Stiftinga Musea på Sunnmøre knivar om kven som skal drive Fiskerimuseet i Ålesund.

Det skriv Sunnmørsposten.

Dei refererer til eit brev til styreleiar for Stiftinga Musea på Sunnmøre (Mupsu) kor styreleiar for Aalesunds Museum, Kjell Skorgevik, ber om at Mupsu trekker seg ut og avsluttar drifta av Fiskerimuseet.

Han meiner Fiskerimuseet er eigedommen til Aalesunds Museum.

Styreleiaren avsluttar brevet med å be styret i Mupsu om å avslutte nærværet sitt på Fiskerimuseet, og overlate vidare drift til Aalesunds Museum.

Styreleiar Jon Aasen i Mupsu skriv i svarbrevet sitt til Skorgevik til at det er Stiftinga Sunnmøre Museum (SSM), noverande Musea på Sunnmøre, som har kontrakt med Stiftelsen Kjell Holm om leige av Holmbua der museet ligg.