Støttar skipstunnelarbeid likevel

Politikarane i fylkesutvalet i Møre og Romsdal gjekk denne veka inn for å støtte Måløy Vekst med 100.000 kroner for å drive påverknad i samband med Stad skipstunnel.

Fylkeskommunedirektøren rådde politikarane til å avslå søknaden på 200.000 kroner – men eit samrøystes utval gjekk inn for å løyve halvparten av beløpet.

Måløy Vekst har opplyst i søknaden at det framleis er nødvendig å jobbe aktivt mot sentrale styresmakter – og at motkrefter i regjering og departement prøvar å stoppe samferdselsprosjektet, ifølgje saksutgreiinga.