Kort fortalt

Støtte til nye landstraumprosjekt

Ålesund og Åndalsnes på Nordvestlandet.

NPK
27.06.2022
(NPK): Åndalsnes og Ålesund er to av fem prosjekt som får støtte til å byggje anlegg som kan forsyne cruiseskip med utsleppsfri energi.

Enova har vedteke å betale ut 34 millionar kroner fordelt på fem landstraumprosjekt i den 13. runda med slik støtte sidan 2016, skriv Teknisk Ukeblad.

Landstraum vil seie at skipa kan skru av hjelpemotorar og generatorar om bord medan dei ligg i hamn. Dette er med på å redusere forureining og støy frå skipa. Det bidreg òg til å kutte CO2-utslepp.

– Landstraum er eit viktig steg i retning av utsleppsfri sjøtransport. Det er gledeleg å kunne bidra til at cruisetrafikken i norske fjordar kan redusere utsleppa sine, seier Rune Holmen, marknadssjef for sjøtransport i Enova.

Desse hamnene får støtte i denne omgangen: Tindekaia (Åndalsnes), Flatholmen (Ålesund), Risavika kai 23 og 24 (Stavanger), Homøy Maritime (Holmen) og Tollbodkaien (Bergen).

(©NPK)

Publisert: 27.06.2022 16:22

Sist oppdatert: 27.06.2022 16:24

Mer om