NPK-NTB: Det svenske togselskapet SJ har fått kontrakten om å drive Dovrebanen, Rørosbanen, Raumabanen, Nordlandsbanen, Trønderbane, Meråkerbanen og Saltenpendelen.
Dette er andre runden av konkurranseutsetjinga av togtrafikken i Noreg.
Medan kvalitet var vekta 60 prosent og pris 40 prosent i konkurransen om den første trafikkpakken med mellom anna Sørlandsbanen, var vektinga endra til 50 prosent pris, 45 prosent kvalitet og 5 prosent oppdragsforståing i konkurransen om Trafikkpakke nord. I konkurransegrunnlaget for pakken blir kvaliteten på tilbodet først sikra gjennom fleire minstekrav.
Det har vore kjent at Vy og det statseigde transportselskapet SJ AB (tidlegare Statens Järnvägar) har levert tilbod i anbodskonkurransen, og at Hongkong-selskapet MTR, tyske Arriva, franske Keolis, britiske Go-Ahead og svenske Nobina er prekvalifiserte i konkurransen, noko som betyr at selskapa kan få konkurransegrunnlaget og deretter eventuelt delta.
Fleire har spekulert på om Trafikkpakke nord 2 er ei mindre interessant strekning fordi banen går gjennom meir grisgrendte strøk, det blir køyrt både elektriske og dieseldrivne lokomotiv og konkurransen frå fly er større enn på Sørlandsbanen.
Dette er andre runden av konkurranseutsetjinga av togtrafikken i Noreg.
Medan kvalitet var vekta 60 prosent og pris 40 prosent i konkurransen om den første trafikkpakken med mellom anna Sørlandsbanen, var vektinga endra til 50 prosent pris, 45 prosent kvalitet og 5 prosent oppdragsforståing i konkurransen om Trafikkpakke nord. I konkurransegrunnlaget for pakken blir kvaliteten på tilbodet først sikra gjennom fleire minstekrav.
Det har vore kjent at Vy og det statseigde transportselskapet SJ AB (tidlegare Statens Järnvägar) har levert tilbod i anbodskonkurransen, og at Hongkong-selskapet MTR, tyske Arriva, franske Keolis, britiske Go-Ahead og svenske Nobina er prekvalifiserte i konkurransen, noko som betyr at selskapa kan få konkurransegrunnlaget og deretter eventuelt delta.
Fleire har spekulert på om Trafikkpakke nord 2 er ei mindre interessant strekning fordi banen går gjennom meir grisgrendte strøk, det blir køyrt både elektriske og dieseldrivne lokomotiv og konkurransen frå fly er større enn på Sørlandsbanen.
Publisert: 17.06.2019 12:39
Sist oppdatert: 10.02.2021 15:34
