Sydvestor vil vekse

Tom Elvøy blir partner i verdipapirforetaket Sydvestor AS og skal leie kontoret i Bergen som blir lokalisert i Blaauwgården i Bergen sentrum.

Han kjem frå stillinga som Senior Vice President hos DVB Bank og har meir enn 25 års erfaring frå internasjonal shipping og bankverksemd med fokus på finansiering av skip, opplyser Sydvestor i ei pressemelding.

Sydvestor har hovudkontor i Ulsteinvik og har sidan 1998 drive med aktiv forvaltning, corporate finance, prosjektfinansiering, tilrettelegging av emisjonar og M&A transaksjonar.

Dagleg leiar Frede Uldbæk seier at etableringa i Bergen er ein del av ein større vekststrategi for selskapet.