Synfaring ved skipstunnelen

I dag og i morgon har Kystverket samla dei fire konkurrentane om å få bygge Stad skipstunnel til synfaring og diskusjonar.

Etter den siste utsilinga står det att fire grupperingar som kjempar om oppdraget. 

Kvar gruppering har sendt sju-åtte personar til samlinga, som har Stad Hotel i Leikanger som base, fortel Sveinung Nedregotten i Kystverket.

I dag er det synfaring både på nordsida og sørsida av tunnelen. I morgon er det ein til ein diskusjonar med kvar gruppering.

I siste utsilingsrunde vart to kinesiske grupperingar ikke med vidare.

No står det om desse fire:

• Arbeidsfellesskap: Skanska Norge AS og Vassbakk og Stol AS (Norge)
• AF Gruppen Norge AS (Norge)
• Eiffage Genie Civil (Frankrike)
• Arbeidsfellesskap: Acciona Construccion S.A og Bertelsen og Garpestad AS (Spania / Norge)