Medan me menneske gjerne likar oss når temperaturen stig i sjøen, flyktar torsken til kaldare og djupare varn når temperaturen i vassoverflata stig til over 16 grader.
Det er Havforskingsinstituttet som på nettsidene sine fortel om korleis torsken flytar seg med temperaturane i sjøen.
– I ein tidlegare studie såg vi at torsken føretrekte djupare og kaldare vatn når temperaturen auka på sommaren, og der finst det truleg mindre mat for torsken, seier forskar Carla Freitas.
I motsetning til torsken brukte lyr og berggylte grunnare område når vasstemperaturen på overflata auka på sommaren.
Om vinteren då temperaturen fall flytta lyr og berggylte til djupare og varmare vatn, medan torsken trekte tilbake til grunnare og kaldare område.
Publisert: 15.07.2021 13:15
Sist oppdatert: 15.07.2021 13:16
