Utbetrar tre tunnelar i Stryn

Frå no og til utgangen av november skal det gjerast vedlikehaldsarbeid i elleve tunnelar i Sogn og Fjordane. Det vil føre til ein del stengingar, opplyser Statens vegvesen.

Det er Mesta som har fått vedlikehaldsoppdraget etter å ha levert eit tilbod på 25 millionar kroner.

– Vi har forståing for at vegarbeid som dette kan vera krevjande for bilistane. Samtidig er det då viktig å minne om at vi gjer det for dei; for å vareta trafikktryggleiken også i framtida, seier prosjektleiar Sveinung Hovland i Statens vegvesen i ei pressemelding.

Det vil bli styring av trafikken medan jobbinga går føre seg. For å få oversikt over vegarbeid før ein skal ut og køyre, vert bilistar oppmoda til å sjekka trafikkmeldingane på 175.no.

Tunnelane som skal haldast ved like er:

*Riksveg 5 Fodnestunnelen (Lærdal).

*Riksveg 5 Amlatunnelen (Sogndal).

*Riksveg 5 Frudalstunnelen (Sogndal).

*Riksveg 5 Bergstunnelen (Sogndal).

*Riksveg 5 Fjærlandstunnelen (Sogndal og Sunnfjord).

*Riksveg 13 Fatlatunnelen (Sogndal).

*Riksveg 15 Oppljostunnelen (Stryn).

*Riksveg15 Grasdalstunnelen (Stryn).

*Riksveg 15 Hjelletunnelen (Stryn).

*E39 Bogstunnelen (Høyanger).

*E39 Klebergtunnelen (Gloppen).