Utvidar samarbeid

Samarbeidet mellom Hexagon Composites i Ålesund og det japanske industriselskapet Mitsui blir styrkja og forlenga skriv Hexagon Composites i ei børsmelding.

Mitsui er største einskildaksjonær i Hexagon Composites og har i fleire år hatt eit tett samarbeid med Hexagon Composites, mellom anna for å få utvikla marknaden for bruk av hydrogen som energikjelde i transportsektoren.

Samarbeidsavtalen blir no forlenga og styrka for fem nye år, og omfattar også Hexagon Purus, der Hexagon Composites eig 50 prosent av aksjane.