Vaskeriselskap konkurs

- Situasjonen den er no at drifta i selskapet framleis er i gang. Ganske raskt må vi ta stilling til om buet skal oppretthalde drifta vidare i ein kortare periode for å ivareta kundane, seier bustyrar Øystein Remme til Sunnmørsposten.

Remme seier til avisa at selskapet hadde 25 tilsette. Gjelda var på 34,5 millionar kroner ved konkursopning.

Breeze Nordvest hadde 39 millionar kroner i driftsinntekt og ein resultat før skatt på minus 5,6 millionar kroner i 2022. I åra 2019-2022 var det samla underskotet 21,6 millionar kroner.

Breeze Nordvest er ein del av Breeze-konsernet, med hovudkontor i Bodø. Eigar er Ole Kristian Ertsvik, ifølgje Proff.-no.

Breeze-konsernet kjøpte vaskeriselskapet Rent Nordvest på Stranda i 2019. Vaskeriet vaskar arbeidskle til instutusjonar og for arbeidskle og tekstilar for reiselivsbedrifter.

Den gangen ville konkurrenten Nor-Tekstil ta over Stranda-bedrift og legge ned, men Konkurransetilsynet sa nei og Breeze fekk tilslaget.